اذاى تظبط بنت فى اول خروجه

المواقف المحرجة المتعلقة بالشريك كتيره اوى زى بدايه التعارف

التقدم للأهل، تبرير الخيانة، محاولة المصالحة


وكل المواقف دى بتبقى عايزه ردود معينه واساليب برده معينه فى الاقناع والتعامل بشكل عام

بس بقى اصعب المواقف المحرجه ياحبيبى هيا (اول معاد مع حبيبتك)

وبناء على الميعاد دا هيتبنى عليه حاجات كتيره اوى انت عارف اهميتها







ولازم بقى فى اول ميعاد دا تمشى على الكلام دا:






لازم تهتم بمظهرك كويس وافتكر ان دا مش وقت التجريب
يعنى متجربش حاجه بعيده عن شخصيتك فى اليوم دا حتى لو اصحابك نصحوك انك تعمل كدا زى التقاليع الروشه طحن ولبس الهدوم المطرقعه حتى لو كانت هيا بتحب كدا



اختيار المكان برده اللى هتعدوا فيه بيوفر عليك حاجات كتيره اووى من اللى هيا عايزه تعرفها عنك عشان اختيارك للمكان طبعا بيحدد زوقك واد ايه انت مهتم بيها



اختيار الطلبات في الكافيه ياريت تكون مدروسه اوى

يعنى مينفعش فى اول ميعاد كدا تطلب غدا او وجبات كبيره خليك فى الكوكتيلات والاكلات الخفيفه احسن



وكل تركيزك مش يبقى على هدومك بس لان فى حاجت تانيه ممكن تكون بعيده اوى عن دماغك مع انهامهه جدا

يعنى مثلا تبص على اسنانك قبل ماتنزل عشان ممكن يكون حته جرجير كدا متعلقه فيها ههههههههه وتخيل بقى الحته الخضرا الصغنونه دى هتخلى كل تركيز شريكتك عليها دا ممكن كمان تبقى مش عايزه تبصلك اصلا وانت بتتكلم وطبعا انت فاهم ليه بقى
عشان كدا لازم تبص على كل فسفوسه صغيره قبل الميعاد عايزك تبقى بيرفكت



خليها هيا اللى تطلب الاول في الكافيه، ومتحاولش تفرض رايك عليها
ولو كنت عايز تفرد عليها عضلاتك وتقولها عن مشروباتك المفضله او اى حاجه بتحبها من اللى المطعم بيقدمها ياريت يعنى بعد ما تطلب هيا



ولازم ياحبيبى تدفع انت فاتورة الحساب حتى لو حلفت صديقتك وأصرت على الدفع

وحتى لو شنقت نفسها قدامك، اوعى هي تدفعلك في أول مبعاد حتى لو عملت عليك تمثيلية "أنا كدة مش هخرج معاك تاني" علشان

لو صدقتها وخلتها تدفع جزء من الحساب، مش تخرج معاك فعلا بعد كدا وهتلاقيها بعدها سيحت لك ولعيلتك كلها عند كل الناس



خليها تتكلم عن نفسها طول الوقت واوعى تسئلها اسئله محرجه زى "بتحبينى؟" "رايك ايه فى شخصيتى؟"

واوعى تكذب عليها فى اول ميعاد مش من اولها كدا ياريت تكون صادق فى كل كلامك عشان بجد صدقنى هتندم كتير لو معملتش كدا



اوعى تخليها خايفه من رفض حبك ليها اديلها فرصه للرقض مش تتدلىء من اولها كدا يعنى


وياريت قبل الميعاد ماينتهى تحددو ميعاد المقابله التانيه مش تسيبها للظروف





مش كده والا إيـه

ايه يا عم نينو الكلام الجامد ده
دانتا اديت الولاد درس انت هتخليهم يقوموا علينا ولا ايه؟؟؟
هههههههههههههههههههه
لا والله دى حبة نصايح حلوة اوى وعلى فكرة اكتر حته عجبتنى بتاعتة الجرير اللى فى السنان دى لان انا دايما باخد بالى من سنان اى حد وعشان كده محافظه على سنانى الحمد لله
بس موضوع حلو والله

ههههههه اى خدمه يا مشمش

وانا برضوه بهتم بحته السنان برضوه

وميرسى على مرورك فى التوبيك